IREKIERA BERRIA: MOTOCARD
Motocard, motorzaleentzako ekipamenduan eta osagarrietan espezializatutako enpresak, ateak ireki ditu Urbilen! Markaren lehen denda da Gipuzkoan. 1.000 m²-ko establezimendu bat, zentroaren goiko solairuan kokatua, benetako paradisua izango dena motorzaleentzat.
Inaugurazio jardunaldi berezia
Denda gaur ireki da, uztailak 9, osteguna, 10:00etan. Eta 18:00etatik aurrera, inaugurazio festa ospatuko da: DJ batek musikarekin girotuko du, bi moto-kaskoren zozketa, bertaratutakoentzako ongietorri opariak eta sustapen esklusiboak izango dira. Gainera, irekieraren lehen hamar egunetan, bezeroek %10eko deskontua izango dute erosketa guztietan.
Markaren lehen denda Gipuzkoan
Marka Gipuzkoara lehen aldiz iritsi da, bertako publikoari sektoreko erreferentziazko proposamen bat hurbilduz. Motocard Urbilek motorzaleentzako ekipamendu eta osagarri aukera zabala eskaintzen du, kaskoak, jakak, eskularruak, botak eta sektoreko marka nagusietako produktuak barne, Europako stock espezializatu handienetako baten babesarekin.
Kontsultatu hemen Motocard Urbili buruzko informazio guztia.
Erreferentziazko marken eta proposamen bereizgarrien aldeko apustua
"Motocard-entzat, Gipuzkoan egotea gure komunitatearekin dugun zorra kitatzea da. Urteak generamatzan konbentzituta hemen ireki behar genuela, baina orain arte ez dugu aukera egokirik aurkitu. Euskal motorzaleak ekipamenduaren kalitatea baloratzen du eta segurtasunaren garrantziaz oso kontziente da. Filosofia hori guztiz bat dator gurearekin: babesik onena preziorik onenean eskaintzea", nabarmendu du Silvia Bach-ek, Motocard-eko CEOak.
Bestalde, Leyre Lobato Urbilgo gerenteak adierazi duenez, "Gipuzkoa moto-kultura handiko lurraldea da, eta motoak protagonismoa hartzen jarraitzen du mugikortasun alternatiba gisa.Motocard-en etorrerak aukera ematen digu errealitate horri erreferentziazko marka batekin eta proposamen espezializatu batekin erantzuteko, lurraldean gero eta handiagoa den eskaerari erantzuna emateko".
Motocard Urbilen izan diren azken irekierei batu da, eta sendotu egin du merkataritza-guneak bizi duen eraldaketa-prozesua; izan ere, entseina berriak iritsi dira, espazioak berritu dira eta merkataritza-proposamena etengabe aldatzen ari da.
