URBILEK DONOSTIAN OSPATUKO DEN MINBIZIAREN AURKAKO LASTERKETA ETA MARTXA BABESTEN DU

Urbilek, aurten ere, Minbiziaren Aurka Gipuzkoan Elkarteak antolatutako proba solidarioa babestu du: maiatzaren 11n, igandea, Donostian ospatuko den Minbiziaren aurkako Lasterketa eta Martxaren 11. edizioa.

Herritarren parte-hartzea errazteko helburuarekin, apirilaren 28tik maiatzaren 3ra, Urbilek proba solidario honetarako 20 dortsalen zozketa jarri du martxan Zentroaren doako App-aren bidez: 10 dortsal Lasterketarako eta 10 dortsal Martxa / Martxa nordikorako.

Dortsal bat irabazi ezean, Urbiletik Lasterketan edo Martxa / Martxa nordikoan parte hartzeko hemen izena ematera animatzen zaituztegu. 

Kirol-proban bildutako diruari esker, Elkarteak doako arreta eta zerbitzua eskaintzen jarraitu ahal izango du minibizia duten paziente zein euren senideei.

Horrela, Urbilek bere inguruko hainbat erakunderekin duen konpromiso-lanarekin jarraitzen du, Konpromiso Urbil proiektuaren bitartez, Nazio Batuen Garapen Jasangarrirako 17 Helburuetan (GJH) oinarrituta dagoena.