Urbilek bat egiten du Tabakorik Gabeko Nazioarteko Egunarekin

Urbilek bat egiten du Tabakorik Gabeko Nazioarteko Egunarekin
Jatorria-ren helburuak
Osasuna eta ongizatea
2022/05/31 - 11:00

Urbilen bizitza osasungarria defendatzen dugu. Kerik gabeko guneak sustatzen dituzten ekimenak bultzatzen ditugu. Horregatik, Urbilen Tabakorik Gabeko Nazioarteko Egunarekin bat egiten dugu. Egun hau mundu osoan eta urtero ospatzen da, maiatzaren 31n. Urteko ospakizun honek tabakoa kontsumitzeak dakartzan arriskuen berri ematen dio jendeari.

Urbilen Minbiziaren Aurka Gipuzkoak elkartearen kanpaina babesten eta zabaltzen dugu, kerik gabeko gune berriak sortzeko asmoz. Prebentzio kanpaina bat da, informazioa emateko, sentsibilizatzeko eta komunitatea tabakoaren aurrean eraldatzen saiatzeko. Gizartea mobilizatzeko kanpaina da.

Tabakorik Gabeko Munduko Eguneko kanpaina honetan, Minbiziaren Aurka Gipuzkoan elkarteak ez erretzea aukeratzea eskatzen du, baita Tabakoaren Aurkako Legea aldatzea ere. Herritarrak oro har eta adingabeak bereziki babesteko, eta elkarrekin bizitzeko espazio publikoak tabako-keaz libratzeko. Minbiziaren Aurka Gipuzkoan elkarteak prebentzioaren aldeko apustua egiten du tabakoa uzteko doako terapiak eskainiz, aurrez aurre zein online.

 

Minbiziaren Aurka Gipuzkoan elkartearen datuak tabakoaren inguruan

Tabakoaren kontsumoa aurrez saihestu daitekeen heriotza-kausa nagusiena da. Urtero, munduan 8 milioi pertsona baino gehiago hiltzen dira tabakoaren ondorioz; horietatik 7 milioi tabakoa zuzenean kontsumitzeagatik hil dira, eta 1,5 milioi inguruk ez dute zigarrorik piztu. Espainian bakarrik, tabakoak 50.000 pertsona baino gehiago hiltzen ditu urtero, eta hori da minbizi kasu guztien %30en eta 20 minbizi mota desberdinen %30eko erantzulea. Besteak beste, birika, laringe, pankrea, maskuri, hestegorri edo gibeleko minbiziak.

Gizarteak, tabakoaren kontsumoaren eta minbiziaren arteko zuzeneko harremana onartuta dauka. Baina, zer gertatzen da tabakoaren kearekin? Herritarrek ez dute minbizia sortzeko arriskurik sumatzen ke toxiko hori arnasten dutenean. Hala ere, frogatuta dago ke horrek minbizia eragiten duela, minbizia eragiten duten 70 substantzia baino gehiago baititu. Adingabeak dauden espazio publikoen %100ean, osasunerako kaltegarriak diren tabako-kearen arrastoak daude; adibidez, terrazen %95ean, ikastetxeen sarbideen %46an edo haur-parkeen %43an. Azken datu bat: zigarrokin itzali batek %14ko nikotina askatzen jarraitzen du, gutxienez 24 orduz.

 

Urbilen Minbiziaren Aurka Gipuzkoan elkartearen kanpaina berri hau babesten dugu, gizartea tabakoaren arriskuez kontzientziatu eta sentsibilizatzeko eta kerik gabeko guneak bultzatzeko, tabako-kerik gabe arnastea lortzeko asmoz. Modu honetan, Urbilek ingurune hurbileko hainbat erakunderekin duen konpromiso-lanarekin jarraitzen du, NBEk proposatutako Garapen Jasangarriko 17 Helburuetan (GJH) oinarritutako Jatorria-Origen proiektuaren bitartez.

Kerik gabeko guneakTabakorik Gabeko Nazioarteko Eguna