URBILEK BAT EGIN DU HONDARTZA JASANGARRIAGOEN ALDEKO SENTSIBILIZAZIO-KANPAINAREKIN
Konpromiso Urbil proiektuaren baitan, aurten ere bat egin dugu Gipuzkoako Foru Aldundiko Jasangarritasun Departamentuak eta Emaus Gizarte Fundazioak hondartza jasangarriagoen alde abian jarritako udako kanpainarekin.
Uda honetan, “Hondartza garbia, hondartza bizia: zaindu gaur, gozatu bihar” sentsibilizazio-kanpainak itsasertza zaintzea sustatuko du, eta jokabide jasangarriak sustatuko ditu Gipuzkoako hondartzetan. Sentsibilizazio-kanpaina bat da, Gipuzkoako hondartzetan hondakinak behar bezala bereiztea eta biltzea sustatzeko, baita hondartzetan erabilera komuneko materialak berraprobetxatzea sustatzeko ere.
Ekimenak Gipuzkoako itsasertzeko hainbat hondartza zeharkatuko ditu ekainean, uztailean eta abuztuan, aisialdirako espazioetan jarraibide arduratsu, jasangarri eta inklusiboak sustatzeko. Hezkuntza jardueren, tailerren eta dinamika parte-hartzaileen bidez, kanpainaren helburua herritarrak sentsibilizatzea da beren eguneroko ohiturek duten eraginari buruz, hondakinak murriztea, kontsumo kontzientea eta ingurumena zaintzea sustatuz.
Hondartza garbia, hondartza bizia: zaindu gaur, gozatu bihar
Udako denboraldian, Gipuzkoako hondartzetan erronka nabarmen bati egin behar diogu aurre: gure hondartzetako hondakinen kudeaketa hobetzea. Hondartzetan, askotan, hondakinak ez dira behar bezala bereizten. Horrek eragina du itsasertzaren eta gure kostaldearen kutsaduran, eta arriskutsua da haren jasangarritasunerako eta herritarren gozamen egokirako.
Arazo horri aurre egiteko, Gipuzkoako Foru Aldundiko Jasangarritasun Departamentuak sentsibilizazio-kanpaina bat jarri du abian, beste urte batez, Emaus Gizarte Fundazioarekin lankidetzan, ekainaren 25etik abuztuaren 24ra arte.
Kanpainaren leloa "Hondartza garbia, hondartza bizia: zaindu gaur, gozatu bihar" da, eta hondakin gutxiago sortzea du helburu, lehenik eta behin materialak berrerabiltzea sustatuz, eta ondoren, birziklatzearen bidez kontsumo osteko kudeaketa egokia sustatuz.
Ekimen ibiltaria da, eta Gipuzkoako itsasertzeko hainbat hondartza zeharkatuko ditu, aisialdiko testuinguruetan jokabide jasangarri eta arduratsuak sustatzeko. Parte hartzeko tailerren, jolas eta hezkuntza dinamiken eta lankidetza ekintzen bidez, kanpainak herritarrek ingurunea zaintzeko duten konpromisoa indartu nahi du, eta hondakinek itsas ekosisteman duten eragina ikusarazi.
Urbilek materiala eman du Gauzateka zerbitzurako
Kanpainaren ardatz nagusietako bat hondartzako materialak mailegatzeko Gauzateka doako zerbitzua izango da, eta asteazkenetik igandera eskainiko da hondartza bakoitzean. Proposamen honek, jolas eta tresna berrerabilgarrietarako sarbidea errazteaz gain, kontsumo arduratsua sustatzea eta hondakinen sorrera murriztea du helburu. Aurten, Gauzateka neurri logistiko berriekin, hezkuntza materialekin eta baliabideen erabilera partekatuari esker saihestutako karbono aztarnaren estimazioarekin indartu da.
Eskaintzen diren materialak, besteak beste, Urbilek eman ditu. Materialen dohaintza hori Zentrotik egiten dugun ekarpen txiki bat besterik ez da. Baina benetan garrantzitsuena kanpaina global bat baldintzarik gabe babestea da, oso garrantzitsutzat jotzen baitugu. Jendea kontzientziatzea, “Gauzaketa” bezalako ekintzen bidez edo “Hondartza garbia, hondartza bizia” kanpainaren barruan programatutako tailer eta jokoen bidez, funtsezko abiapuntua dira gure belaunaldiarentzat eta etorkizuneko belaunaldientzat etorkizun jasangarriagoa lortzeko.
Urbil ingurumenarekin
Horrela, Urbilek bere inguruko hainbat erakunderekin duen konpromiso-lanarekin aurrera jarraitzen du. Konpromiso Urbil gure proiektuaren barruan kokatutako ekintza berri bat da, Nazio Batuen 17 Garapen Jasangarrirako Helburuetan (GJH) oinarritua.
Aipatzekoa da Konpromiso Urbilen ardatz nagusietako bat ingurunea eta ingurumena zaintzea dela. Horregatik bat egiten dugu ekimen honekin, jasangarritasunerako eta ingurumenarekiko konpromisorako aurrerapausoa izan dadin.